RSS
കഥയുടെ മൂല്യച്ചുതിയില്‍പ്പെട്ടു ആഗോളതലത്തില്‍ നിഷ്പ്രഭമായിക്കൊണ്ടിരിക്കുന്ന സിനിമയ്ക്ക് യുവത്വം സമര്‍പ്പിക്കുന്ന ലോകത്തേക്ക് സ്വാഗതം

നീലാംബരി..!




പ്രാർത്ഥിക്കാൻ ഒരോരുത്തർക്കും ഒരോ കാരണങ്ങളുണ്ടെന്ന് പറയുന്നതു പോലെയാണു സിനിമാക്കാരുടെ കാര്യവും. സിനിമ എടുക്കുന്ന ഒരോരുത്തർക്കും ഒരോ ഉദ്ദേശങ്ങളുണ്ടാകും. ആളുകളെ രസിപ്പിക്കുന്ന സിനിമ എടുക്കുന്നവരുണ്ട്. ചിന്തിപ്പിക്കുന്ന സിനിമ എടുക്കുന്നവരുമുണ്ട്. ഫെസ്റ്റിവൽ സീസണിൽ സാധാരണ ആളുകളെ എന്റർട്ടെയ്ൻ ചെയ്യിക്കുന്ന സിനിമകളാണു ഇറങ്ങാറു. എന്നാൽ ഓണത്തിനു ഇവിടെ ഇറങ്ങിയ സിനിമകളെല്ലാം നിരാശപ്പെടുത്തുന്നവയായിരുന്നു. ആത്മകഥ, പാട്ടിന്റെ പാലാഴി, വിനയൻ സാറിന്റെ യക്ഷി തുടങ്ങിയ ആർക്കും ഗുണകരമല്ലാത്ത സിനിമകൾ. പറഞ്ഞ കൂട്ടത്തിലേക്ക് അഭിമാനപുരസ്ക്കരം എടുത്തു വെക്കാവുന്ന മറ്റൊരു ചിത്രമാണു നീലാംബരി. ഇതിന്റെ സംവിധായകനായ ഹരിനാരായണന്റെ ആദ്യ ചിത്രമായ നന്തുണി കണ്ടിട്ടില്ലാത്തത് കൊണ്ട്ഏത് തരത്തിലുള്ള സിനിമയാണു നീലാംബരി കൊണ്ട് സംവിധായകൻ ഉദ്ദേശിക്കുന്നത് എന്ന് അറിയില്ലായിരുന്നു. എന്നാൽ സിനിമ കണ്ട് കഴിഞ്ഞപ്പോൾ മനസ്സിലായി നിർമ്മാതാവിന്റെ കാശ് കളയുക എന്നതിൽ കവിഞ്ഞ് മറ്റൊരു ഉദ്ദേശവും മാന്യദ്ദേഹത്തിനു ഉണ്ടായിരുന്നില്ല എന്ന്.!! സിനിമയെ കുറിച്ച് പറയുകയാണെങ്കിൽ പാലക്കാടൻ അഗ്രഹാരത്തിൽ വെച്ച് ആണു ഇതിന്റെ കഥ നടക്കുന്നത്.ഫ്ലാഷ് ബാക്കിൽ..! അടുത്തടുത്ത വീടുകളിൽ താമസിക്കുന്ന പെൺകുട്ടികൾ തമ്മിൽ സാദൃശ്യം തോന്നുക എന്ന പ്രതിഭാസം സിനിമയിൽ ഉണ്ട്. അയ്യേ അത് നിങ്ങൾ വിചാരിക്കുന്ന പോലെ അല്ല. ഒരാളെ പോലെ ഏഴ് പേരുണ്ടെന്നാ പറയാറു. അതിൽ രണ്ട് പേരു അടുത്തടുത്ത വീടുകളിൽ താമസിക്കുന്നത് ഒരു തെറ്റാണോ..?? ഭാമയും വിദ്യയും ആണു ഇരട്ടകളെ പോലെ തോന്നിപ്പിക്കുന്ന രണ്ട് പെൺകുട്ടികൾ. പിന്നെ പ്രേമം, തെറ്റിദ്ധാരണ, മരണം, വീട് വിട്ട് ഇറങ്ങിപോകൽ എന്ന് വേണ്ട എല്ലാ തരത്തിലുമുള്ള വൈററ്റികളും സംവിധായകൻ പരീക്ഷിച്ചിട്ടുണ്ട്. പിന്നെ ഇതിൽ ഒരു നായക കഥാപാത്രത്തിനു പ്രാധാന്യം ഇല്ല. വിനീത് പേരിനു ഉണ്ടെങ്കിലും അഭിനയിക്കാൻ തക്ക വിധത്തിലുള്ള ഒരു വേഷമല്ല അദ്ദേഹത്തിനു ലഭിച്ചത്. എടുത്ത് പറയാൻ ഇല്ലെങ്കിലും അനൂപ് മേനോൻ അവതരിപ്പിച്ച തെങ്കാശി തങ്കരാജ് എന്ന വേഷം കൊള്ളാം. പക്ഷെ അദ്ദേഹത്തിന്റെ വിഗ്ഗ്..! തിരകഥ എന്ന സിനിമയിലൂടെ മലയാളത്തിലെ ഏത് നടനോടും കിടപിടിക്കാവുന്ന അഭിനയ ശേഷി തനിക്കുണ്ടെന്ന് തെളിയിച്ച അനൂപ് മേനോൻ എന്ത് കൊണ്ട് മലയാള സിനിമയിൽ ഒതുക്കപ്പെടുന്നു എന്നത് ദൂരൂഹമാണു. വിനയൻ സാറിന്റെ കൈപിടിച്ച് വന്നതു കൊണ്ടായിരിക്കാം നടനോട് ചിറ്റമ്മ നയം കാണിക്കപ്പെടുന്നത്. എന്തായാലും ഓണത്തിനു ഇറങ്ങിയ കാരണം സിനിമ ഒരു നൂറു പേരെങ്കിലും കാണും എന്നത് ഒരു ആശ്വാസം നിർമാതാവിനു..!

*കോമഡിക്കാണെന്ന് തോന്നുന്നു സുരാജ്. ചിരിച്ച് ചിരിച്ച് ദൈവമേ..!

**ഭാമയുടെ അഭിനയം പലപ്പോഴും വളരെ ബോറായി തോന്നിയിരുന്നു എന്ന്..!!

***ആകെ മൊത്തം ബോറായ ഒരു സിനിമയിൽ ഇനിയിപ്പോ ഒരാളുടെ അഭിനയത്തെ കുറ്റം പറഞ്ഞു വന്നോളും
ഓരോരുത്തന്മാര്...!!!

****പാട്ട് കേൾക്കാൻ കൊള്ളാം..ചാനലിൽ..!!!!

1 comments:

Anonymous said...

എല്ലാ പടത്തിനും പോയി തല വെക്കുന്നുണ്ടല്ലോ വേറെ പണിയൊന്നും ഇല്ല അല്ലെ

Followers

 
Copyright 2009 b Studio. All rights reserved.